ពិធីបិទផ្សាយជាសាធារណៈនូវឯកសារនៃការវិនិច្ឆ័យ លើការចុះបញ្ជីដីធ្លីមានលក្ខណៈជាប្រព័ន្ធ ភូមិត្រពាំងស្បូវ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង

ខេត្តកំពង់ឆ្នាំង៖ នាព្រឹកថ្ងៃពុធ ៤កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៦ ខែ កុម្ភៈ ឆ្នាំ ២០២០ កម្មវិធីអនុវិស័យរដ្ឋបាលដីធ្លីខេត្តកំពង់ឆ្នាំង (ក្រុមទី ២) បានប្រារព្ធពិធី បិទផ្សាយជាសាធារណៈនូវឯកសារនៃការវិនិច្ឆ័យ លើការចុះបញ្ជីដីធ្លីមានលក្ខណៈជាប្រព័ន្ធ សម្រាប់ភូមិត្រពាំងស្បូវ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង ដែលមានក្បាលដីសរុបចំនួន ១ ៤៧៧ ក្បាលដី។

ពិធីប្រព្រឹត្តទៅក្រោមអធិបតីភាពលោក លី សុភា ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្ត និងជានាយកចាត់ការកម្មវិធីអនុវិស័យរដ្ឋបាលដីធ្លី ខេត្តកំពង់ឆ្នាំង តំណាងដ៏ខ្ពង់ខ្ពស់ឯកឧត្តម ឈួរ ច័ន្ទឌឿន អភិបាល នៃគណៈអភិបាលខេត្តកំពង់ឆ្នាំង។ ដោយមានការអញ្ជើញចូលរួមពីលោក ផៅ ស្រៀង អភិបាលរងស្រុករលាប្អៀរ, លោកប្រធានការិយាល័យ ដ.ន.ស.ភ ស្រុករលាប្អៀរ, លោកប្រធាន អនុប្រធានក្រុម និងមន្ត្រីចុះបញ្ជីក្រុមទី ២, កងកម្លាំងប្រដាប់អាវុធទាំង៣ប្រភេទ គ្រឹះស្ថានមីក្រូហិរញ្ញវត្ថុ, មន្ទីរ អង្គភាពពាក់ព័ន្ធ, លោកមេឃុំ មេភូមិ ព្រមទាំងប្រជាពលរដ្ឋ សរុបចំនួន ២១៦ រូប ស្រី ១៦៥ រូប ៕ប្រភព៖ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ឆ្នាំង