JICA-AC សហការជាមួយក្រុមហ៊ុនហុងដា និងនាយកដ្ឋានសុវត្ថិភាពចរាចរណ៍ផ្លូវគោក បេីកវគ្គយុទ្ធនាការអប់រំសុវត្ថិភាពចរាចរណ៍ នៅវិទ្យាល័យ ប៊ុនរ៉ានី ហ៊ុន សែន រលាប្អៀរ
កំពង់ឆ្នាំង៖ ព្រឹកថ្ងៃទី២៨ ខែកុម្ភៈ ឆ្នាំ២០២០ការិយាល័យសុវត្ថិភាពចរាចរណ៍ផ្លូវគោក នៃមន្ទីរសាធារណការ និងដឹកជញ្ជូន ខេត្តកំពង់ឆ្នាំង បានសហការជាមួយប្រធានសមាគម JICA-AC, តំណាងក្រុមហ៊ុនហុងដា និងនាយកដ្ឋានសុវត្ថិភាពចរាចរណ៍ផ្លូវគោក បេីកវគ្គយុទ្ធនាការអប់រំសុវត្ថិភាពចរាចរណ៍ នៅវិទ្យាល័យ ប៊ុនរ៉ានី ហ៊ុន សែន រលាប្អៀរ។
យុទ្ធនាការអប់រំសុវត្ថិភាពចរាចរណ៍ នាពេលនោះបានផ្តោតលេីចំនុចមួយចំនួនដូចខាងក្រោម៖
១- ការបេីកបរក្រោមឥទ្ធិពលនៃគ្រឿងស្រវឹង, ការបេីកបរលេីសល្បឿនកំណត់, គុណសម្បត្តិ និងសារ:ប្រយោជន៍នៃការប្រេីប្រាស់មួកសុវត្ថិភាព។
២- ស្ថានភាពសុវត្ថិភាពផ្លូវថ្នល់ក្នុងប្រទេសកម្ពុជា, សកម្មភាពរបស់ JICA ក្នុងប្រទេសកម្ពុជា។
៣- ការអនុវត្តបង្ហាញ “ឥរិយាបទនៃការបេីកបរ និងការយល់ដឹងអំពីសុវត្ថិភាពក្នុងពេលបេីកបរ។
វគ្គយុទ្ធនាការអប់រំសុវត្ថិភាពចរាចរណ៍ នៅវិទ្យាល័យ ប៊ុនរ៉ានី ហ៊ុន សែន រលាប្អៀរ ដែលមានសិស្សានុសិស្សចូលរួមសរុបចំនួន ៣៥០នាក់ ស្រី ១៦៧នាក់។ ក្នុងឱកាសនោះប្រធានសមាគមJICA-AC បានផ្តល់មួកសុវត្ថិភាពចំនួន ៧០ ដល់អ្នកលេងល្បែងល្បងប្រាជ្ញាអំពីឥរិយាបទនៃការបេីកបរ និងការយល់ដឹងអំពីសុវត្ថិភាពក្នុងពេលបេីកបរ ៕
ប្រភព៖ មន្ទីរសាធារណការ និងដឹកជញ្ជូនខេត្តកំពង់ឆ្នាំង
📷សូម Join Telegram Channel ខាងក្រោម សម្រាប់ព័ត៌មានបន្ថែមផ្សេងៗ ពីក្រុមការងារព័ត៌មាន និងសោតទស្សន៍ នៃមន្ទីរព័ត៌មានខេត្តកំពង់ឆ្នាំង Telegram/លេខទូរស័ព្ទ📲 012 472 568
