រដ្ឋបាលខេត្តកំពង់ឆ្នាំងបានបើកកិច្ចប្រជុំពិនិត្យនិងពិភាក្សាករណីអាជីវករធ្វើអាជីកម្មពុះដីឡូតិ៍ដែលគ្មានច្បាប់អនុញ្ញាត
(កំពង់ឆ្នាំង)÷នៅព្រឹកថ្ងៃទី 12 ខែកក្កដាឆ្នាំ 2021នេះ ឯកឧត្តម ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំង បានដឹកនាំកិច្ចប្រជុំពិនិត្យនិងពិភាក្សាករណីអាជីវករធ្វើអាជីកម្មពុះដីឡូតិ៍ដែលគ្មានច្បាប់អនុញ្ញាត ដោយមានការចូលរួមពីឯកឧត្តម សាន់ យូ អភិបាលរងខេត្តទទួលបន្ទុក លោក
នាយករងរដ្ឋបាលសាលាខេត្តមន្ទីរជំនាញពាក់ព័ន្ធ អភិបាល
ក្រុង ស្រុកទាំង ៨ក្នុងខេត្ត នៅសាលប្រជុំសាលាខេត្ត ។
គោលបំណងសំខាន់ដើម្បីៈ
ផ្សព្វផ្សាយអំពីខ្លឹមសារច្បាប់ និងគោលការណ៍ណែនាំនានា ដើម្បីអាជ្ញាធរ និងជំនាញពាក់ព័ន្ធ យកទៅអនុវត្តឲ្យមាន
ប្រសិទ្ធភាព និងប្រសិទ្ធផលខ្ពស់ ដល់ម្ចាស់អាជីវកម្មអភិវឌ្ឍ
ដីឡូតិ៍ឲ្យគោរព ។
-ជម្រុញការធ្វើបច្ចុប្បន្នភាពឡើងវិញចំពោះគម្រោងអាជីវកម្មនៅទូទាំងខេត្ត។
-ពង្រឹងអាជ្ញាធរ និងជំនាញពាក់ព័ន្ធ ឲ្យអនុវត្តភារកិច្ចក្នុងដែនសម្ថកិច្ចរបស់ខ្លួន (ការផ្តល់សេវា) ឲ្យមានប្រសិទ្ធភាពខ្ពស់ និងដំណើរការគ្រប់គ្រងគម្រោងអភិវឌ្ឍន៍ដីឡូតិ៍ ឲ្យបានស្របតាមច្បាប់ និងគោលការណ៍ ។
-សិក្សាពីផែនការយុទ្ធសាស្ត្រក្នុងការរៀបចំប្លង់គោលប្រើប្រាស់ដី នៅថ្នាក់ក្រុងស្រុក និងផែនការប្រើប្រាស់ដី នៅឃុំ/សង្កាត់ ដើម្បីជម្រុញឲ្យការរៀបចំប្រើប្រាស់ដីឲ្យបានត្រឹមត្រូវ ចំទិសដៅនិងដើម្បីធានាឲ្យការអភិវឌ្ឍប្រកបដោយចីរភាព ៕