មន្រ្តីរាជការមន្ទីរព័ត៌មានខេត្តកំពង់ឆ្នាំង ចូលរួមរំលែកទុក្ខជាមួយគ្រួសារសព លោក អ៊ុន គឹមសាន អតីតប្រធានការិយាល័យរដ្ឋបាលស្រុកទឹកផុសត្រូវជាបងប្រុសលោកអ៊ុន កុសលប្រធានការិយាល័យវិទ្យុ

កំពង់ឆ្នាំងៈ នៅរសៀលថ្ងៃទី១២ ខែកុម្ភៈ ឆ្នាំ២០២០ លោក ឈាង វណ្ណៈ អនុប្រធានមន្ទីរព័ត៌មាន ខេត្តកំពង់ឆ្នាំង តំណាងអោយឯកឧត្តម ម៉ម ឈឿម ទីប្រឹក្សាក្រសួងព័ត៌មាន និងជាប្រធានមន្ទីរ បានដឹកនាំមន្រ្តីរាជការចំណុះមន្ទីរព័ត៌មានខេត្តកំពង់ឆ្នាំង បានអញ្ជើញចូលរួមរំលែកទុក្ខដ៏ក្រៀមក្រំ​ ព្រមទាំងនាំយកថវិកា ទៅចូលរួមបុណ្យជាមួយគ្រួសារសព លោក អ៊ុន គឹមសាន អតីតប្រធានការិយាល័យរដ្ឋបាលស្រុកទឹកផុស ត្រូវជាបងប្រុសលោក អ៊ុន កុសល ប្រធានការិយាល័យវិទ្យុនៃមន្ទីរព័ត៌មានខេត្តកំពង់ឆ្នាំង ដែលបានទទួលមរណៈភាព នៅវេលាម៉ោង៧
និង០៥នាទីព្រឹក ថ្ងៃទី១២ ខែកុម្ភៈ ឆ្នាំ២០២០
ដោយជំងឺ។

សពលោក អ៊ុន​ គឹមសាន រៀបចំធ្វេីបុណ្យតាមប្រពៃណីនៅគេហដ្ឋានរបស់ឪពុកលោក ស្ថិត​ក្នុងភូមិទ្រាជើង ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។

ស្ថិតក្នុងសមានទុក្ខដ៏ក្រៀមក្រំនេះ លោកឈាង វណ្ណៈ ព្រមទាំងមន្រ្តីរាជការទាំងអស់ បានសម្តែងនូងការសោកស្តាយ និងឧទ្ទិសបួងសួងដល់ដួងវិញ្ញាណក្ខន្ធលោក អ៊ុន គឹមសាន សូមបានទៅកាន់ទីសុគតិភព​កុំបីឃ្លៀងឃ្លាតឡេីយ​។

ក្នុងឱកាសនោះលោក ឈាង វណ្ណៈ ព្រមទាំងមន្រ្តីរាជការ បានចូលបុណ្យជាមួយគ្រួសារលោក អ៊ុន គឹមសាន ចំនួន ៥២៥.០០០រៀលផងដែរ ៕(ដោយ៖ ឈាង វណ្ណៈ)