លោកឧត្តមសេនីយ៍ទោ ឡោ សុខា ស្នងការ នៃស្នងការដ្ឋាននគរបាលខេត្តមណ្ឌលគិរី បានចូលរួមបរិច្ចាគនូវប្រាក់បៀវត្សផ្ទាល់ខ្លួន ជាស្នងការ នៃស្នងការដ្ឋាននគរបាលខេត្តមណ្ឌលគិរី ចំនួន ០៦ខែ គិតចាប់ពីខែកុម្ភៈ ដល់ខែកក្កដា ឆ្នាំ២០២១
មណ្ឌលគិរី៖ ដើម្បីរួមចំណែកជាមួយរាជរដ្ឋាភិបាល ក្នុងការប្រយុទ្ធប្រឆាំងនឹងមេរោគកូវីដ-១៩ (COVID-19) ដែលបាននឹងកំពុងរីករាលដាលនៅក្នុងព្រះរាជាណាចក្រកម្ពុជា, នាថ្ងៃពុធ ១៤កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ខែមករា ឆ្នាំ២០២១ លោកឧត្តមសេនីយ៍ទោ ឡោ សុខា ស្នងការ នៃស្នងការដ្ឋាននគរបាលខេត្តមណ្ឌលគិរី បានចូលរួមបរិច្ចាគនូវប្រាក់បៀវត្សផ្ទាល់ខ្លួន ជាស្នងការ នៃស្នងការដ្ឋាននគរបាលខេត្តមណ្ឌលគិរី ចំនួន ០៦ខែ គិតចាប់ពីខែកុម្ភៈ ដល់ខែកក្កដា ឆ្នាំ២០២១ ជូនគណៈកម្មការជាតិប្រយុទ្ធប្រឆាំងជម្ងឺកូវីដ-១៩ (COVID-19) ។
លោកឧត្តមសេនីយ៍ស្នងការកំពុងនឹងចាត់ចែងបង្វែរប្រាក់បៀវត្សផ្ទាល់ខ្លួនរបស់លោកចូលក្នុងគណនីរបស់គណៈកម្មការជាតិប្រយុទ្ធប្រឆាំងជម្ងឺកូវីដ-១៩ (COVID-19)។
ដូច្នេះហើយ សូមបងប្អូនប្រជាពលរដ្ឋទូទាំង ប្រទេសកម្ពុជា, ជាពិសេសបងប្អូននៅក្នុងខេត្តមណ្ឌលគីរី មេត្តាថែរក្សាសុខភាព អនាម័យ លាងដៃជាមួយសាប៊ូឱ្យបានស្អាតជានិច្ច, អោយបានញឹកញាប់, ធ្វើដំណើរទៅណា, មកណា, ត្រូវពាក់ម៉ាស ដើម្បីការពារ ត្រូវនូវគម្លាតឆ្ងាយពីគ្នាមួយម៉ែត្រ កន្លះទៅពីម៉ែត្រ សូមចូលរួមថែរក្សាសុខភាពឱ្យបានល្អគ្រប់គ្នា៕