ឯកឧត្តម ស៊ុន សុវណ្ណារិទ្ធិ អញ្ជើញចុះពិនិត្យមើលទីតាំង ចាក់វ៉ាក់សាំងជូនប្រជាពលរដ្ឋក្នុងក្រុងកំពង់ឆ្នាំង…
(កំពង់ឆ្នាំង)÷ នេះពិតជាថ្នាក់ដឹកនាំ ដែលស្រឡាញ់ប្រជាពលរដ្ឋពិតប្រាកដ! តាំងតែពីឡើងតំណែងជាអភិបាលខេត្ត មិនទាន់បានមួយខែផង!! ស្រក់អស់៣គីឡូហើយ! ខណៈដែលរវល់ការងាររហូតមក!! ជាក់ស្ដែងនៅព្រឹកថ្ងៃទី ១៣ខែកក្កដា ឆ្នាំ២០២១ នេះ! ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង នៅព្រឹកថ្ងៃទី១៣ ខែកក្កដាឆ្នាំ២០២១ នេះបានថ្លែងឲ្យដឹងថាៈ គិតមកដល់ថ្ងៃនេះខេត្តកំពង់ឆ្នាំងបានទទួលវ៉ាក់សាំងកូវីត១៩ ពីប្រមុខរាជរដ្ឋាភិបាល និងក្រសួងសុខាភិ បាលបានចំនួន ៣៧ ម៉ឺនដូស ហើយ និងក្នុងថ្ងៃទី១៣នេះ ក្រុមគ្រូពេទ្យ នៃមន្ទីរសុខាភិបាលខេត្តកំពង់ឆ្នាំងបានបើកយុទ្ធនាការចាក់វ៉ាក់សាំងកូវីដ ១៩ជូនប្រជាពលរដ្ឋនៅគ្រប់ស្រុកក្នុងទូទាំងខេត្ត ចំនួន ២៤ គោលដៅ ។
ឯកឧត្តម ស៊ុន សុវណ្ណារិទ្ធិ បានថ្លែងបែបនេះ ក្នុងពេលដឹកនាំ ក្រុមការ ងារចុះត្រួតពិនិត្យមើលការចាក់វ៉ាក់ សាំងកូវីត១៩ របស់ក្រុមគ្រូពេទ្យនៃមន្ទីរសុខាភិបាលខេត្តកំពង់ឆ្នាំងជូនប្រជាពលរដ្ឋនៅសង្កាត់កំពង់ឆ្នាំង ក្រុងកំពង់ឆ្នាំង ស្ថិតនៅក្នុងទីតាំងវត្តអារញ្ញិការាម ។
ឯកឧត្តម ស៊ុន សុវណ្ណារិទ្ធិ ក៏បានសំណូមពរដល់ក្រុមគ្រូពេទ្យ និង អាជ្ញាធរដែលស្ថិតនៅក្នុងទីតាំងកំពុងចាក់វ៉ាក់សាំងជូន ប្រជាពលរដ្ឋសូមយកចិត្តទុកដាក់ថែរក្សាសណ្តា ប់ធ្នាប់របៀបរៀបរយ និង រក្សាគម្លាតរបស់ប្រជាពលរដ្ធ ដែលនាំគ្នាមកចាក់វ៉ាក់សាំងនៅគ្រប់ពីទីតាំងទាំងអស់ ។ ដោយត្រូវណែនាំឲ្យពួក គាត់ពាក់ម៉ាស លាងដៃ និងអាកុលបមិនត្រូវប្រជ្រៀតគ្នា ដណ្តើមគ្នាដើម្បីចាក់វ៉ាក់សាំងនោះឡើយ។ ព្រោះថាការប្រជ្រៀតគ្នា ឬដណ្ដើម គ្នានេះ វាអាចមានហានិភ័យឆ្លងរាលដាលជំងឺកូវីដ១៩នេះមកដល់ខ្លួននិងក្រុមគ្រួសារខ្លួនទៅវិញទេ ។ ចំពោះការចាក់ វ៉ាក់ សាំងនេះគឺអាជ្ញាធរ ខេត្ត និងមន្ទីរសុខាភិបាល មានផែន ការចាក់ជូនប្រជាពលរដ្ឋគ្រប់ៗគ្នា និងទាំងអស់នៅគ្រប់មូលដ្ឋាន ។
ឯកឧត្តមអភិបាលខេត្ត ក៏បានអំពាវនាវដល់ប្រជាពល រដ្ឋនិងមន្ត្រីរាជការយើងសូមរួសរាន់មកយកសំណាកឲ្យបានទាន់
ពេលវេលាករណីសង្ស័យថាខ្លួនបានឆ្លងជំងឺកូវីដ១៩ ព្រោះការយកសំណាកនេះមិនឈឺនោះទេ។ ហើយវាអាចដឹងជាមុន និងក៏អាចទប់ស្កាត់បាន ការរាលដាលឆ្លងជំងឺកូវីដ១៩ ចូល ក្នុងក្រុមគ្រួសារខ្លួនផងដែរ ។
ដោយឡែកនៅកន្លែងបិទខ្ទប់ផ្សារ ឆ្នាំង និងផ្សារលើសូមបងប្អូនដែលកំពុងធ្វើចត្តាឡីស័ក នៅក្នុងលំនៅដ្ឋានសូមគោរពឲ្យបាននូវវិធានការរបស់ក្រុមគ្រូពេទ្យ និងក្រសួង
សុខាភិបាលឲ្យបានម៉ឺងម៉ាត់ ដោយមិនត្រូវចេញដើររហេតរហូតពីតំបន់បិទខ្ទប់នៅឡើយ ។ ចំណែកអាជ្ញាធរនិងសមត្ថកិច្ចនៅតំបន់បិទខ្ទប់ ក៏ត្រូវតែពង្រឹងការយាមកាមនៅតំបន់បិទខ្ទប់ឲ្យបានម៉ឺងម៉ាត់ផងដែរដើម្បីរួមគ្នាកាត់ផ្ដាច់ជំងឺកូវីដ១៩ នៅក្នុងសហគមន៍។
បើតាមដឹង ប្រជាពលរដ្ឋរស់នៅក្នុងខេត្តកំពង់ឆ្នាំង បានស្គាល់មុខ ឯកឧត្តម ស៊ុន សុវណ្ពារិទ្ឌ អភិបាលនៃគណៈអភិបាលខេត្តកំពង់ឆ្នាំង ដែលទើប នឹងឡើងដំណែងថ្មីៗ តាមរយៈសារព័ត៌មាន កាសែត ទូរទស្សន៍ page, facebook ចុះផ្សាយ ពីសកម្មភាពការងារយ៉ាងសកម្មបំផុតនិងតាមរយៈ ឯកឧត្តមចុះសួរសុខទុក្ខផ្ទាល់៕