លោក ឃិត ឈឿន រៀបរាប់ពីជីវិតគ្រូបង្រៀន ! អាជីពជាគ្រូបង្រៀន មានតែផ្តល់អោយ..
ភ្នំពេញ ៖ លោក ឃិត ឈឿន អគ្គនាយកក្រុមហ៊ុន ចំរើន សម្បត្តិ បានបញ្ជាក់ថា ៖ ក្នុងជីវិតធ្លាប់ជាគ្រូបង្រៀន៦-៧ឆ្នាំ បង្រៀនកុមារតាំងពីថ្នាក់ទី១ ក_ខ ទៅ។
លោក ឃិត ឈឿន អគ្គនាយកក្រុមហ៊ុន ចំរើន សម្បត្តិ បានរៀបរាប់ថា ៖ ថ្ងៃដំបូងដែលជ្រើសរើសយកការងារនេះ សាស្រ្តាចារ្យម្នាក់បានបញ្ជាក់ច្បាស់ថា បើអ្នកធ្វើជាគ្រូបង្រៀនអ្នកមិនអាចក្លាយជាអ្នកមានទេ គ្រូមានតែផ្តល់អោយអ្នកដទៃ។ ប៉ុន្មានថ្ងៃនេះឃើញមតិរិះគន់លោកគ្រូដែលចេញសេចក្តីអំពាវនាវ សុំវិភាគទានតិចតួចជួយសាលា។ នឹកឃើញកាលខ្ញុំនៅរៀន លោកគ្រូរៃប្រាក់ទិញដីស (ឆ្នាំ១៩៧៣)។ ពួកយើងប្រមូលប្រាក់គ្នាជូនគ្រូដោយសប្បាយចិត្ត យើងដឹងពីទុក្ខលំបាកគ្រូ។
ប្រាក់មួយម៉ឺនពីរម៉ឺនរៀលក្នុងមួយឆ្នាំ មិនអាចអោយគ្រូក្លាយជាអ្នកមានទេ តែកូនអ្នកទេដែលក្លាយជាអ្នកមាន ព្រោះបានចំណេះដឹងពីគ្រូ។
លោក ឃិត ឈឿន បញ្ជាក់ពីអត្តន័យគ្រូបង្រៀនបន្ថែមថា ៖ “បង្រៀនមួយជីវិតនៅតែជាគ្រូ សិស្សទេ ដែលបានចំណេះវិជ្ជា ទៅប្រើមួយជីវិត មានឱកាសក្លាយជាអ្នកមាន អ្នកជំនួញ ពាណិជ្ជករ មន្រ្តីរាជការ រហូតដល់រដ្ឋមន្រ្តី នាយករដ្ឋមន្រ្តី។ ឪពុកម្តាយផ្តល់កំណើត តែគ្រូផ្តល់ចំណេះវិជ្ជា”។ (By Khit Chhoeun ! អតីតគ្រូបង្រៀនជាយដែន)
សូមបញ្ជាក់ថា បច្ចុប្បន្ន លោក ឃិត ឈឿន ជាអគ្គនាយក ក្រុមហ៊ុន ចំរើន សម្បត្តិ និងជាម្ចាស់ផ្សារ KC។ ក្រុមហ៊ុន ចំរើន សម្បត្តិ មានដូចជា សំណង់បុរី ផ្ទះល្វែង វិឡា ខុនដូរ មាននៅប្រទេសថៃនិងនៅកម្ពុជា ផ្ទះលំហែរ ដីពុះឡូតិ៍ ចំការ រីស៊ត និងផ្សាKC។ ព័ត៌មានផ្សេងៗទៀត លោកអ្នកអាចទំនាក់ទំនងតាមរយៈលេខទូរស័ព្ទ ៖ 017335354 /086302343/ដើម្បីទទួលបានដំណឹងលម្អិតបន្ថែមទៀត !៕