កុំចេះតែហ៊ាន..!! មន្ត្រីអាវុធហត្ថ ស្រុកចិត្របុរីខេត្តក្រចេះ ១នាក់ ត្រូវបានចាប់ខ្លួន..សង្ឃឹមថា មិនមានមន្ត្រីអាវុធហត្ថ ធ្វើដូចបុគ្គលម្នាក់នេះទៀតទេ

(ខេត្តក្រចេះ) ៖ នៅថ្ងៃទី៣០ ខែមករា ឆ្នាំ២០២៤ កងរាជអាវុធហត្ថ បានឃើញបណ្ដាញប្រព័ន្ធព័ត៌មានសង្គម បង្ហោះអំពីសកម្មភាពបាញ់សត្វ (សត្វកុក) បុគ្គលដែលបាញ់សត្វកុកនោះ ពាក់អាវយឺតពណ៌ត្រេអ៉ី ដែលមានអក្សរពីខាងក្រោយ “អ.ហ” ជិះរថយន្ដមួយគ្រឿង ម៉ាក កាមរីបាឡែន ពាក់ស្លាកលេខ ភ្នំពេញ 2Q-7290 និងមានស្លាកសញ្ញាសម្គាល់រថយន្តចេញចូលទីបញ្ជាការ “អ.ហ”។

ខ្ញូំបាទឧត្តមសេនីយ៍ត្រី អេង ហុី អ្នកនាំពាក្យកងរាជអាវុធហត្ថលើផ្ទៃប្រទេស សូមអនុញ្ញាតគោរពជម្រាបជូនសាធារណជននិងអ្នកសារព័ត៌មានជ្រាបថា បុគ្គលនោះឈ្មោះ កង សុផាណារ័ត្ន ឋានន្ដរសក្តិ អនុសេនីយ៍ត្រី មុខងារជំនួយការមូលដ្ឋានកងរាជអាវុធហត្ថស្រុកចិត្របុរី ត្រូវបានឃាត់ខ្លួនដោយកម្លាំងកងរាជអាវុធហត្ថខេត្តក្រចេះ។ អនុវត្តតាមការដឹកនាំរបស់ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ជំនាញមន្ត្រីនគរបាលយុត្តិធម៌ បានប្រគល់ជូនជំនាញរដ្ឋបាលព្រៃឈើដើម្បីបន្តកសាងនីតិវិធីបញ្ជូនទៅអយ្យការអមសាលាដំបូងខេត្តក្រចេះ។

ករណីបង្ក្រាបអាវុធហត្ថ មួយរូបនេះ មហាជនមានការគាំទ្រដល់ថ្នាក់ដឹកនាំ មានការកោតសរសើរយ៉ាងខ្លាំងដល់មន្ត្រីអាវុធហត្ថថ្នាក់ដឹកនាំកំពូល កំពូល ដែលបានអនុវត្តទៅលើបុគ្គលជាមន្ត្រីអាវុធហត្ថរូមនេះ៕