គេហទំព័រ របាយការថ្មី
របាយការណ៍ថ្មី ពិត លឿន គ្រប់ទីកន្លែង
គេហទំព័រ របាយការថ្មី
ឯកឧត្តម ឃួង ស្រេង អភិបាលរាជធានីភ្នំពេញមិនអនុញ្ញាតឲ្យអ្នកដែលកំពុងរស់នៅក្នុងភូមិសាស្រ្តបិទខ្ទប់ ចាកចេញមកបំពេញការងារនៅខាងក្រៅភូមិសាស្រ្តនោះជាដាច់ខាតដើម្បីកាពារជំងឺកូវីដ19
By
sothim168
on April 10, 2021
÷ប្រសាសន៍ របស់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញបន្ទាប់ពីរដ្ឋបាលរាជធានីភ្នំពេញនៅយប់ថ្ងៃសុក្រម្សិលមិញបានសម្រេចបិទខ្ទប់ទីតាំងមួយចំនួនក្នុងខណ្ឌចំនួន៣នៅរាជធានីភ្នំពេញ។
ឯកឧត្តម ឃួង ស្រេងអភិបាលរាជធានីភ្នំពេញបានបញ្ជាក់ប្រាប់បណ្តាញព័ត៌មានថាមិនអនុញ្ញាតឲ្យអ្នកដែលកំពុងរស់នៅក្នុងភូមិសាស្រ្តបិទខ្ទប់ចាកចេញមកបំពេញការងារនៅខាងក្រៅភូមិសាស្រ្តនោះជាដាច់ខាត។ បើតាមលោកឃួង ស្រេងអ្នកកំពុងស្ថិតក្នុងភូមិសាស្រ្តបិទខ្ទប់មិនអាចចល័តចេញមកក្រៅបានឡើយ។ ទោះបីជាមានលិខិតបំពេញបេសកកម្មក៏ដោយ។
ថ្លែងប្រាប់វិទ្យុបារាំងអន្តរជាតិនៅព្រឹកនេះ ឯកឧត្តម ឃួង ស្រេង អភិបាលរាជធានីភ្នំពេញបានបញ្ជាក់ថាតំបន់បិទខ្ទប់បណ្តោះអាសន្នក្នុងភូមិសាស្រ្តមួយចំនួនក្នុងរាជធានីភ្នំពេញនឹងមិនអនុញ្ញាតឲ្យមានអ្នកណាដែលរស់នៅក្នុងតំបន់ទាំងនោះចល័តចេញមកខាងក្រៅ ដើម្បីបំពេញការងារនោះឡើយ។
ទោះបីជាបុគ្គលនោះមានលិខិតបញ្ជាក់បេសកកម្មការងារខ្លួន។ ក៏ប៉ុន្តែ ឯកឧត្តម ឃួង ស្រេង បានអះអាងដែលថា ទោះជាមិនអាចចេញទៅបំពេញការងារបាន តែបុគ្គលទាំងនោះក៏នឹងត្រូវបានធានាពីក្រសួងការងារផ្ទាល់ពីមូលហេតុអវត្តមានពីកន្លែងការងារ ដោយសារពួកគេកំពុងស្ថិតក្នុងតំបន់បិទខ្ទប់។រីឯអ្នកដែលកំពុងរស់នៅក្នុងតំបន់បិទខ្ទប់និងមានទីតាំងបំពេញការងារក្នុងតំបន់នោះលោកឃួងស្រេងបានបញ្ជាក់ថាពួកគេអាចទៅបំពេញការងារបានជាធម្មតាដោយមានលិខិតបំពេញបេសកកម្មការងារជាប់នឹងខ្លួន។
សូមបញ្ជាក់ថាបន្ទាប់ពីរដ្ឋបាលរាជធានីភ្នំពេញ បានសម្រេចធ្វើការបិទខ្ទប់ទីតាំងផ្នែកខ្លះនៃរាជធានីភ្នំពេញរួមមានភូមិចំនួន៧នៅក្នុងខណ្ឌពោធិ៍សែនជ័យ ភូមិទ្រុងមាន់នៅខណ្ឌសែនសុខ រួមនិងសង្កាត់មានជ័យ១ និងសង្កាត់មានជ័យ២ក្នុងខណ្ឌមានជ័យ កាលពីយប់ថ្ងៃសុក្រទី០៩មេសាម្សិលមិញ។
តាមសេចក្តីសម្រេចទីតាំងទាំងនោះនឹងត្រូវបិទខ្ទប់រយៈពេលពីរសប្តាហ៍ពីថ្ងៃ១០រហូតដល់ថ្ងៃទី២៣មេសា មិនឲ្យមានការចេញចូល លើកលែងតែករណីមួយចំនួន ដូចជា ការធ្វើដំណើរទៅទិញម្ហូបអាហារ ការធ្វើដំណើរទៅមន្ទីរពេទ្យ ការចុះយកសំណាករបស់មន្រ្តីសុខាភិបាល និងការងារចាំបាច់មួយចំនួនរបស់អាជ្ញាធរមូលដ្ឋានជាដើម។
ឯកឧត្តម ឃួង ស្រេង បានបញ្ជាក់បន្ថែមដែរថា ការបិទខ្ទប់នេះគឺដើម្បីធានាប្រសិទ្ធិភាពក្នុងការគ្រប់គ្រងស្ថានការណ៍ឆ្លងនៅតំបន់ទាំងនោះព្រោះថាតំបន់ទាំងនោះជាតំបន់ហានិភ័យនៃការឆ្លងជំងឺកូវីដ១៩ក្រោយមានការផ្ទុះជាលក្ខណៈទ្រង់ទ្រាយធំលើកម្មករធ្វើការនៅរោងចក្រឌីនហាន។
យ៉ាងណាមិញតាមការបញ្ជាក់បន្ថែមការបិទខ្ទប់ក្នុងតំបន់ទាំងនោះនឹងមិនមែនជាការបិទខ្ទប់ដើម្បីព្យាបាលអ្នកដែលមានវិជ្ជមានកូវីដ១៩នៅតាមផ្ទះនោះទេហើយក្នុងករណីអ្នករស់នៅក្នុងតំបន់នោះរកឃើញថាមានវិជ្ជមានកូវីដ១៩ជាបន្តបន្ទាប់ ពួកគេក៏នឹងត្រូវបញ្ជូនទៅព្យាបាលតាមមន្ទីរពេទ្យដែរ។
រហូតដល់ម៉ោង០២:០០ល្ងាច ថ្ងៃទី១០មេសា២០២១ យើងរកឃើញករណីជំងឺកូវីដ-១៩ សរុបចំនួន៤៧៧នាក់(ឆ្លងសហគមន៍ទាំងអស់)និងមានជាសះស្បើយ ៩៦នាក់ ។
ដូច្នេះចំនួនករណីជំងឺកូវីដ-១៩សរុបកើន ៤០៨១នាក់ចំនួនសំរាកពេទ្យ១៩៧០នាក់ និងចំនួនជាសះស្បើយសរុបកើន២០៨០នាក់ និងស្លាប់ថ្មី២នាក់សរុបស្លាប់២៦នាក់ ។ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ចសូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ហើយ និងប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយដែរ ។
យើងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររង់ចាំគម្លាតពីគ្នា ឈរជជែកគ្នាគម្លាតពីគ្នា ។ ល។
យើងត្រូវបន្តពាក់ម៉ាសជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ។
សូមបញ្ជាក់ថាប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី ២៧ មករា ២០២០ ។
ព័ត៌មានបន្ថែមសូមទាក់ទងលេខ១១៥៕
ព័ត៌មានជាតិ
Share
Related Posts
ទោះជារវល់យ៉ាងណាក៏ដោយក៏ ឯកឧត្តម ស៊ុន សុវណ្ណារិទ្ធិ ឯកឧត្តម អភិបាលខេត្តកំពង់ឆ្នាំង ឆ្លៀតពេលចុះមកត្រួតពិនិត្យមើលការសាងសង់ផ្ទះជូនលោកយាយ
លោក ឈួន ចាន់ណា អភិបាល នៃគណៈអភិបាលស្រុកសាមគ្គីមានជ័យ ចូលរួមពិធីដាំដើមឈើនៅសាលាបឋមសិក្សាគិរីអភិវឌ្ឍន៍ ភូមិគិរីអភិវឌ្ឍន៍ ឃុំឈានឡើង
ឯកឧត្តម ស៊ុន សុវណ្ណារិទ្ធិ..បានអមដំណើរវត្តមានដ៏ខ្ពង់ខ្ពស់របស់ សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្តេចមហារដ្ឋសភាធិការធិបតី ឃួន សុដារី …សម្តេចកិត្តិសង្គហបណ្ឌិត ម៉ែន សំអន.. អញ្ជើញមកកាន់វត្តចន្ទប្បជោត្តនារាម ហៅវត្តតាសុត..
ឯកឧត្តម ស៊ុន សុវណ្ណារិទ្ធិ និងក្រុមការងារអមដំណើរ ឯកឧត្តម សាយ សំអាល ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគររូនីកម្ម និងសំណង់ ចុះមូលដ្ឋានខេត្តកំពង់ឆ្នាំង..!
ឃាត់ខ្លួនឃាតកឆ្លងដែនជនជាតិចិន ២នាក់ ពាក់ព័ន្ធករណីបាញ់ប្រហាររថយន្ត Mercedes យប់ថ្ងៃទី២៧ ខែ សីហា ឆ្នាំ ២០២៤ !
ឯកឧត្តម ស៊ុន សុវណ្ណារិទ្ធិ បានដឹកនាំក្រុមការងាររដ្ឋបាលខេត្តកំពង់ឆ្នាំង អមដំណើរព្រះធម្មវនវាសីបណ្ឌិត ចន្ទមុនី និមន្តជួបព្រះសង្ឃ…
ឯកឧត្តមអភិបាលខេត្ត និងលោកជំទាវតំណាងរាស្ត្រ អញ្ជើញចុះសួរសុខទុក្ខ គ្រួសារអតីតយុវជន រស់នៅលើដីសម្បទានសង្គមកិច្ច ក្នុងស្រុកសាមគ្គីមានជ័យ…
Comments
(0)
Add Comment