(កំពង់ឆ្នាំង)÷លោក ឈឹម វុទ្ធា អភិបាលនៃគណៈអភិបាលស្រុកកំពង់ត្រឡាច ដឹកនាំកម្លាំងយកអំណោយគ្រឿងឧបភោគ បរិភោគ ឧបត្ថម្ភដល់កងកម្លាំងចម្រុះដែលប្រចាំការនៅផ្លូវជាតិលេខ៥ ចំណុចស្ពាន(ក្រាំងពន្លៃ) ឈរជើងការពារទប់ស្កាត់ ការធ្វើដំណើរឆ្លងកាត់ពីខេត្តមួយ ទៅខេត្ត មួយ តាមច្បាប់របស់ប្រមុខរាជរដ្ឋាភិបាល ដែលបានដាក់ជូន ឲ្យកងកម្លាំងគ្រប់លំដាប់ថ្នាក់ទូទាំងខេត្តក្រុង រាជធានី ការទប់ស្កាត់នៃការរាជរាលដាលជំងឺកូវីដ19។
នៅក្នុងឱកាសនោះលោក ឈឹម វុទ្ធា បានផ្ដាំផ្ញើដល់បងប្អូនកងកម្លាំងទាំងអស់ដែលនៅឈរជើងមេត្តាយកចិត្តទុកដាក់បន្ថែមទៀតពង្រឹងសមត្ថភាពការងារអនុវត្តបទបញ្ជាឲ្យបានម៉ឺងម៉ាត់ហ្មត់ចត់ តាមបទបញ្ជារបស់ប្រមុខរាជរដ្ឋាភិបាល ដើម្បីជួយការពារទប់ស្កាត់ការរីករាលដាលនៃជំងឺកូវីដ19។
ហើយ ការប្ដេជ្ញាចិត្ត របស់កងកម្លាំងគ្រប់ស្ថាប័ននៅគោលដៅនោះ បានប្រឹងប្រែងយកចិត្តទុកដាក់យ៉ាងម៉ឺងម៉ាត់ ច្បាស់លាស់ តាមបទបញ្ជា មិនឲ្យថ្នាក់ដឹកនាំឈឺក្បាលលំបាក នូវកិច្ចការដែលខ្លួនកំពុងអនុវត្តនោះឡើយ៕
{{សូមបងប្អូនប្រជាពលរដ្ឋគោរពច្បាប់ការណែនាំរបស់ប្រមុខរាជរដ្ឋាភិបាលកម្ពុជា!! ការណែនាំរបស់ក្រសួងសុខាភិបាល!! កុំធ្វើដំណើរឆ្លងកាត់ពីខេត្តមួយ ទៅខេត្តមួយ, សូមនៅឲ្យមាន គម្លាតពីគ្នា ១.៥០ ម៉ែត្រ យ៉ាងតិច ,៣ការពារ, ៣កុំ, និង ចូលរួមទៅចាក់វ៉ាក់សាំងទាំងអស់គ្នា ដើម្បីជីវិតអ្នក! ដើម្បីគ្រួសារអ្នក! ដើម្បីមនុស្សក្នុងសង្គមទាំងអស់គ្នា!! ។