នៅរសៀលថ្ងៃទី ២៥ ខែមេសាឆ្នាំ ២០២១ នេះ ត្រូវបានទទួលអំណោយ ដ៏ថ្លៃថ្លា មានគ្រឿងឧបភោគ បរិភោគ យ៉ាងច្រើន ពីក្រុមការងារថ្នាក់ជាតិចុះជួយឃុំធ្លកវៀន និងនិងយុវជនស្រុកសាមគ្គីមានជ័យ និងព្រះសង្ឃននិងសប្បុរសជន ជាច្រើនទៀតដែលចូលរួម។
និងសប្បុរសជនខ្លះ: ក្រោយពីទទួលបានព័ត៌មានអង្គភាពសារព័ត៌មាន(របាយការណ៍ថ្មី)យើងបានចុះផ្សាយដែលមានខ្លឹមសារដូចខាងក្រោម…
{{គួរឲ្យអាសូរខ្លាំងណាស់លោកយាយ លោកតា មានខ្ទមតូចមួយ ត្រូវអគ្គីភ័យឆាបឆេះអស់!! នៅភូមិតាំងត្បែង ឃុំធ្លកវៀន ស្រុកសាមគ្គីមានជ័យ តើឲ្យគាត់បានអ្វីហូបដើម្បីបន្តជីវិតទៀត!!!
នៅព្រឹកថ្ងៃទី២៤ ខែមេសា ឆ្នាំ២០២១នេះ មានអគ្គិភ័យឆេះផ្ទះខ្ទមមួយខ្នងមួយខ្នងតូច លោកតា លោកយាយ ដ៏កំសត់!! ។
កើតឡើងនៅភូមិតាំងត្បែង ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង លោកតា ម្ចាស់ផ្ទះ ឈ្មោះ ភុល ហៀង ភេទប្រុស អាយុ ៧៩ឆ្នាំ លោកយាយឈ្មោះ ណន ណំ ពីនាក់ពីរនាក់យាយតានេះមានជីវភាពខ្វះខាតក្រខ្សត់ខ្លាំងណាស់ ដោយកូនចៅ បានទៅរកស៊ីធ្វើការនៅឯខេត្តឆ្ងាយអស់ហើយ។
ផ្ទះដែលឆេះមានបណ្ដោយ ៥ម៉ែត្រទទឹង ៤ម៉ែត្រប្រក់ស្លឹកជញ្ជាំងស្លឹកក្រាលក្តា ក្នុងនោះខូចខាតឆេះឯកសារ ស្រូវ អង្ករ សំលៀកបំពាក់ ឆេះគ្មានសល់អីបន្តិចដោយ។
តែតែសំណាងល្អលោកយាយលោកតាចេះវារត់ចេញរួចពីផ្ទះពុំមានរងរបួសទេ ។
ដំណឹងនេះសូមប្រកាសជូនដល់អាជ្ញាធរគ្រប់ជាន់ថ្នាក់ ក្នុងខេត្តកំពង់ឆ្នាំង និង សប្បុរជន សប្បុរសធម៌ ទាំងឡាយមេត្តាជួយដល់លោកតា! លោកយាយ ដោយក្តីអនុគ្រោះផង។
បើបងប្អូនសប្បុរសជន សប្បុរស់ធម៌ ទាំងឡាយចង់ជួយតាមរយៈលោកមេភូមិ, លោកមេឃុំ, ឬ លោកមេប៉ុស្តិ៍ នៅក្នុងមូលដ្ឋានផ្ទាល់ ក៏បាន ឬទៅដល់ផ្ទាល់ក៏បាន}}
ខាងក្រោមនេះគឺជាខ្លឹមសាររបស់ព្រះសង្ឃ…
ថ្ងៃអាទិត្យ ១៤ កើត ខែពិសាខ ឆ្នាំឆ្លូវ ត្រីស័ក ព.ស ២៥៦៤ ត្រូវនឹងថ្ងៃទី២៥ ខែមេសា ឆ្នាំ២០២១
ខ្ញុំព្រះករុណា អាត្មាភាព និងក្រុមការងារ បាននាំយក គ្រឿងឧបភោគបរិភោគ សម្ភារៈប្រើប្រាស់ និងថវិកាចំនួន 2,500,000រៀល=(625$) របស់បងៗសប្បុរសជនជូនដល់ដៃ លោកតា លោកយាយ ដែលជួបបញ្ហាភ្លើងឆេះផ្ទះ រស់នៅភូមិតាំងត្បែង ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង ។ អាត្មាភាពមានអារម្មណ៍ត្រេកអរជំនួសលោកតា លោកយាយ ដែលបងៗសប្បុរសជនបានរួបរួម និងសាមគ្គីគ្នា ដើម្បីជួយដល់ពួកគាត់ទាន់ពេលវេលា អាត្មាភាពសូមជូនបុណ្យកុសល និងជូនពរជាថ្មីម្តងទៀត សូមបងៗសប្បុរសជនទាំងអស់ទទួលបាននូវសេចក្តីសុខ ចម្រើន សុខភាពល្អបរិបូរណ៍ កម្លាំងកាយពលមាំមួន មានលាភ មានជ័យ ទេវតាថែក្សាឆ្នាំថ្មី និងវត្ថុស័ក្តិសិទ្ធិគ្រប់ទិសទាំង៨ សូមតាមឃុំគ្រងបីបាច់ថែរក្សា បងៗសប្បុរសជន និងសូមបវៀសជៀសចេញអោយឆ្ងាយនូវមេរោគកូវីដ ពីក្រុមគ្រួសារបងៗសប្បុរសជន គ្រប់ពេលវេលា សម្រេចនិងជោគជ័យគ្រប់ភារៈកិច្ច កុំបីអាក់ខានឡើយ🙏🙏🙏🇰🇭🇰🇭🇰🇭។
បងប្អូនប្រជាពលរដ្ឋរស់នៅក្នុងភូមិតាំងត្បែង,ឃុំធ្លកវៀន,សូមអរគុណ និងអរព្រះគុណ ដល់សប្បុរសជន ,មន្ត្រីថ្នាក់ជាតិចុះជួយឃុំធ្លកវៀន និងក្រុមយុវជន ស្រុកសាម្គីមានជ័យ និងព្រះសង្ឃ ជាច្រើនអង្គ ដែលបានបរិច្ចាគគ្រឿងឧបភោគ បរិភោគ និងថវិកាសរុបដូចខ្លឹមសារខាងលើ ដល់លោកយាយ លោកតា ៕