(ខេត្តក្រចេះ)÷ការចុះស្រាវជ្រាវស៊ើបអង្កេតតាមដានដ៏ស៊ីជម្រៅរបស់អង្គភាពសារព័ត៌មានរបាយការណ៍ថ្មីយើងខ្ញុំ នឹង ការដកស្រង់ការចេញផ្សាយរបស់ អង្គភាពកាសែត នគរមាស និង គេហទំព័ទូរទស្សន៍ ស្លឹតរឹត online បានធ្វើការចេញផ្សាយ លើគេហទំព័រ និងផេកហ្វេសប៊ុកផ្លូវការរបស់ខ្លួន ថ្ងៃទី០៤និងទី០៥ ខែសីហា ឆ្នាំ២០២១ រឿងក្រុមឈ្មួញឈើល្បីខ្លាំងឈ្មោះ ហេង សុខជា (ហៅ ជា សណ្ដាន់) ដែលជាជនសង្ស័យស្ថិតនៅក្នុងបញ្ជីខ្មៅ របស់សមត្ថកិច្ចចម្រុះគណៈកម្មការជាតិដើម្បីទប់ស្កាត់ និងបង្រ្កាបបទល្មេីសធនធានធម្មជាតិ និងកូនដៃម្នាក់ទៀតឈ្មោះ ផាត ល្បីថាគាត់ជាមន្ត្រីប៉ូលីស នៅប៉ុស្តិ៍សណ្ដាន់ និងទី៣.ឈ្មោះសាយ ប្រាំង ជាមេសន្តិសុខក្នុងក្រុមហ៊ុន និងជាការធំ បច្ចុប្បន្នកំពុងតែឃុបឃិតគ្នា ប្រព្រឹត្តអំពើពុករលួយជ្រកក្រោមម្លប់ ក្រុមហ៊ុន ស៊ឹងបាយអូថេក ខូអិលធីឌី កំពុងធ្វើការគៀងគរប្រជាពលរដ្ឋ មកពីតំបន់ឆ្ងាយៗ បន្តលូច ចូលទៅកាប់ និងអារឈើក្នុងតំបន់ព្រៃឡង់ ហើយដឹកលក់ចេញទៅក្រៅ យ៉ាងរលូនដោយស្ងាត់ៗ ខណ:មហាជនដាក់ការសង្ស័យថាលោក ឆាយ ឌួងសាវុធ ប្រធានមន្ទីរបរិស្ថានខេត្តក្រចេះ ជាអ្នកនៅពីក្រោយ និងបើកភ្លើងខៀវនោះ។
តាមប្រភពព័ត៌មានដែលទទួលបាននៅរសៀលថ្ងៃអាទិត្យទី៨០ខែសីហា ឆ្នាំ២០២១ បានឲ្យដឹងថា ក្រុមឈ្មួញគឺឈ្មោះ ហេង សុខជា (ហៅ ជា សណ្ដាន់) ឈ្មោះ ផាត ជាមន្ត្រីប៉ូលីសប៉ុស្តិ៍សណ្ដាន់ និង.ឈ្មោះ សាយ ប្រាំង ជាមេសន្តិសុខក្នុងក្រុមហ៊ុន ស៊ឹងបាយអូថេក បានកំពុងបំផ្លាញភស្តុតាងចោលរួចហើយ បើគិតត្រឹមយប់ថ្ងៃទី០៦ ខែសីហា ឆ្នាំ២០២១ ពួកគេបានសម្រុកដឹកឈើចេញ ចំនួន៣ រថយន្តយីឌុប ឲ្យអស់មុនពេលកម្លាំងសមត្ថកិច្ចចម្រុះអាចនឹងចុះពិនិត្យស្រាវជ្រាវ ពីដេប៉ូស្តុកឈើមួយកន្លែងនៅត្រង់ចំណុចយូធីអឹម 13,1287N 105,9136E ភ្នំកូនត្រី ខាងកើតរោងដែកប្រមាណជាង៣គីឡូមែត្រ ក្នុងក្រវ៉ាត់ ក្នុងក្រុមហ៊ុន ស៊ីងបាយអូថេក ជិតតំបន់អូក្រាក់ រួចហើយនៅថ្ងៃទី០៧ ខែសីហា ឆ្នាំ២០២១ យកគ្រឿងចក្រឈូសឆាយបំបាត់ភស្តុតាងចោល។
តាមប្រភពរាយការណ៍និយាយបន្តថា ពួកគេបានគៀងគរ ប្រជាពលរដ្ឋ អោយចូលទៅកាប់ អារឈើ ដោយប្រើប្រាស់ម៉ាស៊ីនរណាយន្ត និងគោយន្តកន្ត្រៃរាប់សិបគ្រឿង ចូលទៅក្នុងព្រៃ កាប់ឈើ និងអារឈើច្បោះ នៅព្រំប្រទល់ខេត្តស្ទឹងត្រែងនិងខេត្តក្រចេះ មានដូចជាឈើទាល, ដួងចែម, គរគី, កកោះ, ត្រសេក, និងខ្វាវ ។ល។
ហើយកន្លងទៅថ្មីៗបានធ្វើសកម្មភាព យ៉ាងអនាធិបតេយ្យ មានរយៈពេលប្រមាណជាង២ខែ កន្លងមកហើយ ខណ:ពួកគេមានផ្លូវចំនួន២ សម្រាប់ដឹកឈើចេញពីព្រៃឡង់ ឆ្លងកាត់អូរក្រាក់ត្រង់ចំណុចយូធីអឹម 13,1317N 105,8985E និងមួយកន្លែងទៀតនៅផ្នែកខាងលើ ឆ្ពោះទៅកាន់ទីតាំងស្តុកឈើមួយកន្លែងនៅត្រង់ចំណុចយូធីអឹម 13,1287N 105,9136E ភ្នំកូនត្រី ខាងកើតរោងដែកប្រមាណជាង៣គីឡូមែត្រ ក្នុងក្រវ៉ាត់ ក្នុងក្រុមហ៊ុន ស៊ីងបាយអូថេក ជិតតំបន់អូក្រាក់។
ប្រជាពលរដ្ឋបន្តថា បច្ចុប្បន្នដោយសារភ្លៀងធ្លាក់ខ្លាំង ជាឧបសគ្គ(ផ្លូវជាប់ផុង)ដែលក្រុមអ្នកសារព័ត៌មាន និងសមត្ថកិច្ចពាក់ព័ន្ធ មិនអាចចូលទៅដល់ ជាឱកាសពួកគេឃុបឃិយគ្នា សម្រុកកាប់ឈើយ៉ាងពេញបន្ទុក នៅក្នុងតំបន់ព្រៃឡង់ មួយផ្នែកក្នុងទឹកដីខេត្តស្ទឹងត្រែង និងមួយផ្នែកទៀត ក្នុងទឹកដីនៃខេត្តក្រចេះ ដឹកលក់ឲ្យឈ្មួញឈ្មោះ ជា សណ្ដាន់ យ៉ាងរលូនតែម្ដង។
សូមបញ្ជាក់ផងដែរថា÷ក្រុមឈ្មួញខាងលើបានដឹកឈើទៅលក់នៅដេប៉ូមួយដែលម្ចាស់ដេប៉ូនោះឈ្មោះ ចែ មុំ ជើងខ្លាំងរកស៊ីមិនញញឹមផ្លូវច្បាប់ ដែលមានទីតាំងមួយកន្លែងនៅជិតស្ពានច្បារអំពៅ ក្នុងខណ្ឌច្បារអំពៅ រាជធានីភ្នំពេញ ហើយឮថា ឈ្មោះ វណ្ណា ជា នគរបាលជាតិមួយរូប នៅរាជធានីភ្នំពេញ ហេីយដែលកាងពីក្រោយ មើលការខុសត្រូវរត់ការសម្របសម្រួលសព្វបែបយ៉ាងក្នុងរាជធានីភ្នំពេញ។ នៅមានភាគបន្តទៀតព័ត៌មានមួយនេះ….