គេហទំព័រ របាយការថ្មី
របាយការណ៍ថ្មី ពិត លឿន គ្រប់ទីកន្លែង
គេហទំព័រ របាយការថ្មី
អាងខ្លួនជាមន្រ្តីនគរបាល គ្រោះថ្នាក់ ចរាចរណ៍ អត់វាស់វែងយករថយន្តទៅរក្សាទុកទារសំណងក្នុងតម្លៃខ្ពស់..
By
sothim168
on July 30, 2022
ខេត្តស្វាយរៀង៖ មន្រីនគរបាលនៅច្រកទ្វារអន្តរជាតិបាវិត២នាក់បានជួបនូវគ្រោះថ្នាក់ បណ្តាលអោយរងរបួសហើយត្រូវបានមន្រ្តីនគរបាលមូលដ្ឋាន ក្រុងបាវិត យកម៉ូតូនិងរថយន្តទៅរក្សាទុកដោយមិនបានវាស់វែង ហើយ ភាគីខាងម៉ូតូទាមទារសំណងក្នុងតម្លៃខ្ពស់ ដែលជាហេតុធ្វើអោយ ភាគីខាងម្ចាស់រថយន្ត មានការសោកស្តាយ ដោយភាគីម៉ូតូពុំមានការយោគយល់។
គ្រោះថ្នាក់ចរាចរណ៍នេះ បានកើតកាលពីវេលាម៉ោងប្រមាណ១០និង៣០នាទីយប់ថ្ងៃទី១១ខែកក្កដា ឆ្នាំ ២០២២ នៅចំណុច មុខច្រកទ្វារអន្តរជាតិបាវិត ក្នុងក្រុងបាវិត ខេត្តស្វាយរៀង រវាងម៉ូតូpcxពណ៌ខ្មៅ ពាក់ស្លាកលេខ នគរបាល-1-0707 និង រថយន្ត ម៉ាកTOYOTA ALPHARDពណ៌សពាក់ស្លាកលេខភ្នំពេញ-2BT-3032 ។
មន្រ្តី នគរបាលរូបនោះ ត្រូវបានគេស្គាល់ឈ្មោះឆាយ សារ៉ាត់ ជាមន្រ្តីនគរបាលនៅច្រកទ្វារអន្តរជាតិបាវិត ជាអ្នកបើកបរម៉ូតូបានរងរបួសក្បាល និងម្នាក់ទៀតឈ្មោះស ចាន់វាសនា ជាអនុប៉ុស្តិ៍ច្រកទ្វារបាវិតរងរបួសស្រាល។
តាមព័ត៌មានអោយដឹងថា នៅយប់ថ្ងៃកើតហេតុ ខណះពេល ដែលរថយន្តកំពុងតែធ្វើដំណើរ លើដងផ្លូវ ស្រាប់តែ ម៉ូតូមន្រ្តីនគរបាលរូបនោះ បានបើកម៉ូតូឆ្លងផ្លូវត្រូវ រថយន្តបុក បណ្តាលអោយដួល ហើយ មន្រ្តីបាលទាំង២នាក់អត់ពាក់មួក ម្នាក់រងរបួស ក្បាលដេរ៥ថ្នេរ និងម្នាក់ទៀត រងរបួសស្រាល។
តាមអ្នកបើកបររថយន្ត បានអោយដឹងថា គ្រោះថ្នាក់នេះ បណ្តាលមកពីម៉ូតូបើកបរឆ្លងផ្លូវក្នុងល្បឿនលឿន ពីឆ្វេង ទៅស្តាំកាត់មុខ រថយន្ត ។បន្ទាប់ពី គ្រោះថ្នាក់ នគរបាលក្រុងបាវិត បានចុះទៅកន្លែងកើតហេតុ ដោយពុំបានវាស់វែងនោះទេ អាងជាមន្រ្តីនគរបាលដូចគ្នា ដោយយកម៉ូតូនិងរថយន្ត ទៅរក្សាទុកដើម្បីដោះស្រាយទាមទារសំណង់។
តាមព័ត៌មានអោយដឹងថា បន្ទាប់ ពីគ្រោះថ្នាក់ ខាងម្ចាស់រថយន្ត ក៏បានចូលខ្លួន ទៅដោះស្រាយ ហើយ ត្រូវភាគីខាងម៉ូតូដែលជាមន្រ្តីនគរបាលទាំង២នាក់ទាមទារ សំណងចំនួន ៣៤៧៥ ដុល្លារ ក្នុងនោះម្នាក់ដែលរបួសទារចំនួន២ពាន់ដុល្លារនិងម្នាក់ទៀត របួស ស្រាល ថា បាត់ទូរស័ព្ទ និងកាបូបលុយ ទាមទារចំនួន១៤៧៥ដុល្លារ ។ ចំណែក ខាង រថយន្តបានជូន ចំនួន ២ពាន់ដុល្លារ ខណះរហូតដល់ ថ្ងៃនេះរបួសនោះបានព្យាបាលរួចរាល់អស់ប្រមាណ ជិត ១០០០ ដុល្លារតែប៉ុណ្ណោះ។
ការដោះស្រាយនេះ សម្របសម្រួល២លើកមកហើយ តែមន្រ្តីនគរបាលរូបនោះនៅតែមិនយោគយល់បញ្ចុះតម្លៃឡើយ។ម្យ៉ាងទៀតមន្រ្តីនគរបាលរូបនោះជិះម៉ូតូបត់ឆ្លងផ្លូវខ្វះការប្រុងប្រយ័ត្ន និងពុំពាក់មួកសុវត្តិភាពហើយម៉ូតូពាក់ស្លាកលេខនគរបាលទៀត ។
តាមម្ចាស់រថយន្ត មានប្រតិកម្មថា ការទាមទារ របស់មន្រ្តីរូបនោះហួសពីលទ្ធភាពខណះរថយន្តទើបតែបង់រំលោះបាន៤ខែ។ បន្ទាប់ពី គ្រោះថ្នាក់នោះ អាងជាសមត្ថកិច្ចដូចគ្នា មិនបានចុះវាស់វែងតាមផ្លូវច្បាប់ ៕
ព័ត៌មានជាតិ
Share
Related Posts
ទោះជារវល់យ៉ាងណាក៏ដោយក៏ ឯកឧត្តម ស៊ុន សុវណ្ណារិទ្ធិ ឯកឧត្តម អភិបាលខេត្តកំពង់ឆ្នាំង ឆ្លៀតពេលចុះមកត្រួតពិនិត្យមើលការសាងសង់ផ្ទះជូនលោកយាយ
លោក ឈួន ចាន់ណា អភិបាល នៃគណៈអភិបាលស្រុកសាមគ្គីមានជ័យ ចូលរួមពិធីដាំដើមឈើនៅសាលាបឋមសិក្សាគិរីអភិវឌ្ឍន៍ ភូមិគិរីអភិវឌ្ឍន៍ ឃុំឈានឡើង
ឯកឧត្តម ស៊ុន សុវណ្ណារិទ្ធិ..បានអមដំណើរវត្តមានដ៏ខ្ពង់ខ្ពស់របស់ សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្តេចមហារដ្ឋសភាធិការធិបតី ឃួន សុដារី …សម្តេចកិត្តិសង្គហបណ្ឌិត ម៉ែន សំអន.. អញ្ជើញមកកាន់វត្តចន្ទប្បជោត្តនារាម ហៅវត្តតាសុត..
ឯកឧត្តម ស៊ុន សុវណ្ណារិទ្ធិ និងក្រុមការងារអមដំណើរ ឯកឧត្តម សាយ សំអាល ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគររូនីកម្ម និងសំណង់ ចុះមូលដ្ឋានខេត្តកំពង់ឆ្នាំង..!
ឃាត់ខ្លួនឃាតកឆ្លងដែនជនជាតិចិន ២នាក់ ពាក់ព័ន្ធករណីបាញ់ប្រហាររថយន្ត Mercedes យប់ថ្ងៃទី២៧ ខែ សីហា ឆ្នាំ ២០២៤ !
ឯកឧត្តម ស៊ុន សុវណ្ណារិទ្ធិ បានដឹកនាំក្រុមការងាររដ្ឋបាលខេត្តកំពង់ឆ្នាំង អមដំណើរព្រះធម្មវនវាសីបណ្ឌិត ចន្ទមុនី និមន្តជួបព្រះសង្ឃ…
ឯកឧត្តមអភិបាលខេត្ត និងលោកជំទាវតំណាងរាស្ត្រ អញ្ជើញចុះសួរសុខទុក្ខ គ្រួសារអតីតយុវជន រស់នៅលើដីសម្បទានសង្គមកិច្ច ក្នុងស្រុកសាមគ្គីមានជ័យ…
Comments
(0)
Add Comment