មណ្ឌលគិរី : នាព្រឹកថ្ងៃទី០១ ខែមិថុនា ឆ្នាំ២០២៣ ឯកឧត្តម យ៉ង់ សែម ប្រធានគណៈកម្មការសិទ្ធិមនុស្ស ទទួលពាក្យបណ្ដឹង និងអង្កេតនៃព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី០៨ និងឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគិរី បានអញ្ជើញជាអធិបតី ក្នុងពិធីអបអរសាទរខួបអនុស្សាវរីយ៍លើកទី ៧៤ ទិវាកុមារអន្តរជាតិ ០១ មិថុនា ឆ្នាំ២០២៣ ដោយមានការអញ្ជើញចូលរួមពី ឯកឧត្តម លោកជំទាវ សមាជិក សមាជិកា នៃក្រុមសមាជិកព្រឹទ្ធសភាប្រចាំភូមិភាគទី០៨ លោកអភិបាលរងខេត្ត កងកម្លាំងប្រដាប់អាវុធទាំងបីប្រភេទ លោក លោកស្រីប្រធាន អនុប្រធានមន្ទីរអង្គភាពពាក់ព័ន្ធជុំវិញខេត្ត ព្រមទាំងលោកគ្រូ អ្នកគ្រូ សិស្សានុសិស្ស និងប្រជាពលរដ្ឋ សរុបប្រមាណជាង ៤០០នាក់ ដែលប្រព្រឹត្តទៅ នៅបរិវេណសាលាបឋមពូឡា ស្ថិតនៅ ក្នុងភូមិពូហ្យាម ឃុំសែនមនោរម្យ ស្រុកអូរាំង ខេត្តមណ្ឌលគីរី។
ជាមួយគ្នានេះ ឯកឧត្តម យ៉ង់ សែម ប្រធានក្រុមសមាជិកព្រឹទ្ធសភាប្រចាំភូមិភាគ០៨ និងឯកឧត្តម ថង សាវុន អភិបាលខេត្តមណ្ឌលគិរី បាននាំយកទេយ្យទានប្រគេនព្រះសង្ឃដែលគង់នៅវត្តមង្គលគិរីព្រឹក្សារាម (ហៅវត្តអូរាំង) រួមមានបច្ច័យចំនួន ២ លាន ៥ សែនរៀល ព្រមទាំងគ្រឿងឧបភោគបរិភោគមួយចំនួនផងដែរ។