(ខេត្តមណ្ឌលគិរី)៖ នៅព្រឹកថ្ងៃទី៩ ខែមិថុនា ឆ្នាំ២០២៣នេះ ក្នុងពិធីចែកអំណោយជូនប្រជាពលរដ្ឋចំនួន៨០គ្រួសារ ខណៈក្នុងសាលាស្រុក៧០គ្រួសារក្នុងនោះចែកតាមខ្នងផ្ទះ១០គ្រួសារដោយគ្រួសារជនពិការភាព។ ក្នុងចំណោមប្រជាពលរដ្ឋ៨០គ្រួសារមកពីឃុំចំនួន០២មានឃុំស្រែព្រះ៣០គ្រួសារ និងឃុំស្រែខ្ទុម៤០គ្រួសារ នៃស្រុកកែវសីមា។
លោក សាន គឹម អ៊ាប អភិបាលនៃគណ អភិបាលស្រុកកែវសីមា បានធ្វើការថ្លែងអំណរគុណដល់ កញ្ញា ចាន់ លីលក្ខិណា អគ្គនាយកក្រុមហ៊ុនមណ្ឌលខេសីមា ធីជី ហ្គែនទីង (GT Ganting) កាស៊ីណូនិងរីស៊ត ដែលមានចិត្តសប្បុរសធម៌បាននាំយកអំណោយចែកជូនពលរដ្ឋក្រីក្រ។
ឆ្លៀតក្នុងឱកាសនោះផងដែរ លោកបានធ្វើការណែនាំដល់ប្រជាពលរដ្ឋ សូមចូលរួមថែរក្សាសុខភាពទាំងអស់គ្នា ដើម្បីចៀសផុតពីជំងឺផ្សេងៗយើងត្រូវមានអនាម័យជុំវិញលំនៅដ្ឋានឲ្យបានស្អាត ព្រោះរដូវនេះជារដូវភ្លៀងធ្លាក់ស្មៅដុះច្រើនដែលបង្កឲ្យកើតមានមូសខ្លាខាំបណ្តាលឲ្យមានជំងឺគ្រុនចាញ់។
អំណោយទាំងនោះរួមមាន៖ មួយគ្រួសារទទួលបានអង្ករ២៥គីឡូក្រាម, ទឹកត្រី១យួរ, ទឹកស៊ីអៀវ១យួរ, ត្រីខ១យួរ, មីជាតិ១កេស, ទឹកសុទ្ធ១កេស, និងថវិកា១០០០០០រៀល(ដប់ម៉ឺនរៀល)។
ដោយឡែក នៅក្នុងឱកាសនោះកញ្ញា ចាន់ លីលក្ខិណា អគ្គនាយកក្រុមហ៊ុនមណ្ឌលខេសីមា ជីធី ហ្គែនទីង( G T Ganting ) កាស៊ីណូនឹងរីស៊ត បានជួយឧបត្ថម្ភថវិកាចំនួន២០០០០០០រៀល(ពីលានរៀល)ជូនរដ្ឋបាលស្រុកកែវសីមាផងដែរ។
នៅក្នុងឱកាសនោះលោក សាន គឹមអ៊ាប បានជួបសំណេះសំណាលជាមួយបងប្អូនប្រជាពលរដ្ឋ៨០គ្រួសារ ដែលមក ពីចំនួនពីរឃុំ គឺឃុំស្រែខ្ទុម និង ឃុំស្រែព្រះ លោកបានមានប្រសាសន៍ថាសូមឱ្យបងប្អូនប្រជាពលរដ្ឋយើងទាំងអស់គ្នាមេត្តាថែរក្សាសុខភាព ត្រូវញ៉ាំទឹកឲ្យបានគ្រប់គ្រាន់ ត្រូវមានអនាម័យបរិស្ថានជុំវិញផ្ទះ ត្រូវប្រឹងប្រែងយកចិត្តទុកដាក់ក្នុងកិច្ចការការងារកសិកម្មដាំដុះដំណាំហូបផ្លែគ្រប់មុខ។
ហើយលោកបន្តទៀតថា សូមបងប្អូនប្រជាពលរដ្ឋ ទៅបោះឆ្នោតឲ្យបានគ្រប់ៗគ្នាជូនគណបក្សណាដែលខ្លួនស្រឡាញ់ពេញចិត្ត។
ហើយបងប្អូនកុំភ្លេច សន្តិភាព ប្រទេស ដែលមានសន្តិភាពធ្វើឲ្យយើងរស់នៅដោយសុខដុមរមនា ប្រកបកិច្ចការងារធ្វើដំណើរគ្រប់ទីកន្លែង ក្នុងព្រះរាជាណាចក្រកម្ពុជា ដោយសុវត្ថិភាព សន្តិសុខល្អ។
សូមបញ្ជាក់ផងដែរថា តាមការទទួលរបាយការណ៍មក ប្រជាពលរដ្ឋរស់នៅក្នុងស្រុកកែវសីមា ខេត្តមណ្ឌលគិរី ប្រកបកិច្ចការងារកសិកម្មដាំដំណាំដូចជាកៅស៊ូ .ស្វាយចន្ទី .ម្រេច និងដំណាំផ្សេងៗគូបសមបន្ថែមទៀត។
ហើយបច្ចុប្បន្ន ឃើញថា អាជ្ញាធរស្រុក គ្រប់ជាន់ថ្នាក់នៅក្នុងស្រុកកែវសីមា ដឹកនាំដោយលោក សាន គឹមអ៊ាប មន្ត្រីរាជការ គោរពពេលវេលាការងារ គោរពបទបញ្ជា ការពារសន្តិសុខ ជូនប្រជាពលរដ្ឋការពារថ្នាក់ដឹកនាំ ការពារ សន្តិសុខសណ្ដាប់ធ្នាប់ជូនប្រជាពលរដ្ឋបានល្អ៕