គេហទំព័រ របាយការថ្មី
របាយការណ៍ថ្មី ពិត លឿន គ្រប់ទីកន្លែង
គេហទំព័រ របាយការថ្មី
លោក ឈួន ចាន់ណា ជាប្រធានអនុសាខា..នឹង មន្ត្រីអនុសាខាកាកបាទក្រហមកម្ពុជាស្រុក ចុះសួរសុខទុក្ខនិងចែកអំណោយ ប្អូនប្រុសប្អូនស្រីរស់គ្មានទីពឹង..
By
sothim168
on January 24, 2024
{ខេត្តកំពង់ឆ្នាំង}÷ ទីណាមានទុក្ខលំបាក ទីនោះមានកាកបាទក្រហមកម្ពុជា នៅក្នុងស្រុកសាមគ្គីមានជ័យរាល់ពលរដ្ឋ ជួបទុក្ខលំបាកតែងតែមាន វត្តមាន លោក ឈួន ចាន់ណា អភិបាលនៃគណៈអភិបាលស្រុក និងមន្ត្រីរាជការគ្រប់ជាន់ថ្នាក់ទាំងអស់ក្នុងស្រុក ចុះសួរសុខទុក្ខ និងចុះចែកអំណោយដល់ពលរដ្ឋទាំងអស់នោះ។ ជាក់ស្ដែង នាព្រឹកថ្ងៃពុធ ទី២៤ ខែមករា ឆ្នាំ២០២៤ លោក ឈួន ចាន់ណា អភិបាលស្រុកសាមគ្គីមានជ័យ និងជាប្រធានអនុសាខា រួមជាមួយ មន្ត្រីអនុសាខាកាកបាទក្រហមកម្ពុជាស្រុក ព្រមទាំងមានការចូលរួមពីអាជ្ញាធរឃុំ និងថ្នាក់ដឹកនាំភូមិ បានចុះសួរសុខទុក្ខ និងនាំយកអំណោយទៅចែកជូន កុមារកំព្រា ២នាក់បងប្អូន រស់នៅភូមិត្បែងខ្ពស់ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង។
ស្ថានភាពកុមារ២នាក់បងប្អូនកំព្រា(ឪពុកម្តាយស្លាប់អស់) រស់នៅ២នាក់បងប្អូនមានឈ្មោះ:
១.ឈ្មោះ ពឹម សំណាង ភេទប្រុស អាយុ១៧ឆ្នាំ មានជំងឺពិកាគូថ (លិចលាមកជាប្រចាំ) ស៊ីស្នូលធ្វើកម្មករនៅកសិដ្ឋានចិញ្ចឹមជ្រូក
២.ឈ្មោះ ពឹម ណេង ភេទស្រី អាយុ១២ឆ្នាំ នៅរៀន
ក្នុងឱកាសនេះ ខ្ញុំបាទបានពាំនាំនូវការផ្តាំផ្ញើការសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ឯកឧត្ដមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្រ្តី និងជាប្រធានកិត្តិយសសាខាកាកបាទក្រហមកម្ពុជាខេត្តកំពង់ឆ្នាំង ឯកឧត្តម ស៊ុន សុវណ្ណារិទ្ធិ ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ឆ្នាំង។
ទន្ទឹមគ្នានេះ ខ្ញុំក៏សូមអំពាវនាវ ផ្ដាំផ្ញើដល់ប្រជាពលរដ្ឋទាំងអស់ត្រូវប្រុងប្រយ័ត្ននូវគ្រោះថ្នាក់ និងគ្រោះមហន្តរាយផ្សេងៗ ដែលអាចកើតឡើងជាយថាហេតុ និងត្រូវរស់នៅដោយមានអនាម័យជានិច្ច គឺ រស់នៅស្អាត ហូបស្អាត ផឹកស្អាត ការពារខ្លួនពីជំងឺផ្សេងៗ ពិសេសនៅរដូវប្រាំងនេះសូមប្រយ័ត្នចំពោះគ្រោះអគ្គីភ័យ សូមត្រៀមបង្កាទឹកនៅក្នុង អុង ពាង រឺអាង នៅផ្ទះអោយបានគ្រប់ៗគ្នា។
អំណោយដែលអនុសាខានាំយកទៅជូន រួមមាន:
-អង្ករ ៥០គីឡូក្រាម
-មីជាតិ ១កេះ
-ត្រីខ ១យួរ
-ទឹកត្រី ១យួ
-ទឹកស៊ីអី១យួរ
-ប្រេងឆា ១ពីដុង៥លីត្រ
-ឃីត១កញ្ចប់ (ភួយ១ មុង១ ក្រមា១ សារុង១)
-ថវិកាចំនួន ៥០០,០០០រៀល។
ចំពោះផ្ទះអាជ្ញាធរភូមិ ឃុំ សហការជាមួយសម្បុជន កំពុងរៀចំសាងជូនមានទំហំ៤មគុណ៦ម។ ក្នុងនោះអនុសាខាកាកបាទក្រហមកម្ពុជាស្រុកសាមគ្គីមានជ័យ បានឧបត្ថម្ភថវិកាចំនួន៣៦០.០០០រៀល សម្រាប់ទិញស័ង្កសី សម្រាប់ធ្វើដំបូល ចំណែកឯសប្បុរសជនជួយជញ្ជាំងជាស័ង្កសី និងចាក់សាប។
ក្រៅពីអំណោយរបស់អនុសាខាកាកបាទក្រហមកម្ពុជាស្រុកសាមគ្គីមានជ័យព្រះគ្រូ ឱម អៀន ចៅអធិការវត្តត្បែងខ្ពស់ និងជាអនុគណស្រុកសាមគ្គីមានជ័យបានឧបត្ថម្ភ សម្ភារមួយចំនួនមាន អង្ករ ២៥ គីក្រាម ទឹកត្រី ទឹកស៊ីអ៊ីវ គ្រឿងទេស ចានដែក កញ្ច្រែង ធុងទឹក បោយ ចាន ឆ្នាំង កំសៀវ ស្លាបព្រា មុង ភួង កន្ទេល ខ្នើយ និងថវិកាចំនួន២០០.០០០រៀល។
អរគុណសន្តិភាព អរគុណដល់ប្រមុខរាជរដ្ឋាភិបាលកម្ពុជា ដែលជ្រើសរើសមន្ត្រីរាជការ ល្អៗឲ្យចូលបម្រើការបម្រើប្រជាពលរដ្ឋ។ជាពិសេស លោក ឈួន ចាន់ណា អភិបាលនៃគណៈអភិបាលស្រុកសាមគ្គីមានជ័យនេះតែម្ដង តែងតែ មានការគោរពការ ស្រលាញ់ពីប្រជាពលរដ្ឋ និងមានការគាំទ្រនៃការដឹកនាំរបស់លោក៕
ព័ត៌មានជាតិ
Share
Related Posts
ទោះជារវល់យ៉ាងណាក៏ដោយក៏ ឯកឧត្តម ស៊ុន សុវណ្ណារិទ្ធិ ឯកឧត្តម អភិបាលខេត្តកំពង់ឆ្នាំង ឆ្លៀតពេលចុះមកត្រួតពិនិត្យមើលការសាងសង់ផ្ទះជូនលោកយាយ
លោក ឈួន ចាន់ណា អភិបាល នៃគណៈអភិបាលស្រុកសាមគ្គីមានជ័យ ចូលរួមពិធីដាំដើមឈើនៅសាលាបឋមសិក្សាគិរីអភិវឌ្ឍន៍ ភូមិគិរីអភិវឌ្ឍន៍ ឃុំឈានឡើង
ឯកឧត្តម ស៊ុន សុវណ្ណារិទ្ធិ..បានអមដំណើរវត្តមានដ៏ខ្ពង់ខ្ពស់របស់ សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្តេចមហារដ្ឋសភាធិការធិបតី ឃួន សុដារី …សម្តេចកិត្តិសង្គហបណ្ឌិត ម៉ែន សំអន.. អញ្ជើញមកកាន់វត្តចន្ទប្បជោត្តនារាម ហៅវត្តតាសុត..
ឯកឧត្តម ស៊ុន សុវណ្ណារិទ្ធិ និងក្រុមការងារអមដំណើរ ឯកឧត្តម សាយ សំអាល ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគររូនីកម្ម និងសំណង់ ចុះមូលដ្ឋានខេត្តកំពង់ឆ្នាំង..!
ឃាត់ខ្លួនឃាតកឆ្លងដែនជនជាតិចិន ២នាក់ ពាក់ព័ន្ធករណីបាញ់ប្រហាររថយន្ត Mercedes យប់ថ្ងៃទី២៧ ខែ សីហា ឆ្នាំ ២០២៤ !
ឯកឧត្តម ស៊ុន សុវណ្ណារិទ្ធិ បានដឹកនាំក្រុមការងាររដ្ឋបាលខេត្តកំពង់ឆ្នាំង អមដំណើរព្រះធម្មវនវាសីបណ្ឌិត ចន្ទមុនី និមន្តជួបព្រះសង្ឃ…
ឯកឧត្តមអភិបាលខេត្ត និងលោកជំទាវតំណាងរាស្ត្រ អញ្ជើញចុះសួរសុខទុក្ខ គ្រួសារអតីតយុវជន រស់នៅលើដីសម្បទានសង្គមកិច្ច ក្នុងស្រុកសាមគ្គីមានជ័យ…
Comments
(0)
Add Comment