ភ្នំពេញ ៖ ប្រធានក្រុមហ៊ុន Bu Abdullah Group លោកបណ្ឌិត ប៊ូ អាឌុលឡោះ បានប្រកាស ស្វាគមន៍ KC Group ដែលមានលោក ឃិត ឈឿន អគ្គនាយក ក្រុមហ៊ុន ចំរើន សម្បត្តិ ទៅទស្សនៈកិច្ចពាណិជ្ជកម្ម នៅទីក្រុងឌូបៃ ប្រទេសអារ៉ាប់អេមីរ៉េត។ ការប្រកាសនេះ ធ្វើឡើងក្នុងអំឡុងពេល លោកបណ្ឌិត ប៊ូ អាឌុលឡោះ ជាប្រធានក្រុមហ៊ុន Bu Abdullah Group, និងសហការី បានមកធ្វើទស្សនកិច្ចពាណិជ្ជកម្ម ដើម្បីស្វែងយល់ពីកម្ពុជា ក្នុងរយៈពេល០៤ថ្ងៃ ចាប់ពីថ្ងៃទី២៦ ដល់ថ្ងៃទី២៩ ខែមករា ឆ្នាំ២០២៤ និងបានចូលជួបសំដែង ការគួរសម និង ពិភាក្សាការងារជាមួយមន្រ្តីជាន់ខ្ពស់នៃរាជរដ្ឋាភិបាល និង ធុរៈជនសំខាន់ៗជាច្រើន។
លោក ឃិត ឈឿន អគ្គនាយក ក្រុមហ៊ុន ចំរើន សម្បត្តិ បានថ្លែងថា កាលពីថ្ងៃទី២៧-២៨ ខែមករា ឆ្នាំ២០២៤ លោកបណ្ឌិត ប៊ូ អាឌុលឡោះ និងសហការី បានអញ្ជើញមក ការិយាល័យក្រុមហ៊ុន ចំរើនសម្បត្តិ (KC Group) ដែលមានទីតាំងនៅផ្សារKC និងអញ្ជើញចុះទៅធ្វើកាសិក្សាដោយផ្ទាល់ ពីអាជីវកម្មរួមរបស់ KC។ ជារួម មានអាគារពាណិជ្ជកម្ម KC Market, KC condo និងកសិដ្ឋានមួយចំនួនរបស់ខេស៊ី នៅទឹកដីខេត្តកំពង់ស្ពឺ។
លោក ឃិត ឈឿន ថ្លែងបន្តថា ៖ លោកបណ្ឌិត ប៊ូ អាឌុលឡោះ បានសម្តែងនូវទឹកចិត្តស្រឡាញ់រាប់អាន និងមានបំណងប្រាថ្នាក្នុងការបង្កើត ធុរៈកិច្ចរួមគ្នាជាមួយ KC Group នៅកម្ពុជា។ លោកបណ្ឌិត ប៊ូ អាឌុលឡោះ ក៏បានចាត់តាំងសហការីជំនាញ ធ្វើការសិក្សា ស្វែងយល់ ពីអាទិភាព នៃអាជិវកម្ម រួមគ្នាជាមួយ KC Group ផងដែរ។ ជាអាទិភាពគឺផ្តោតនៅលើវិស័យកសិឧស្សាកម្ម និង ទំនើបកម្មលំនៅដ្ឋាន។
អគ្គនាយក ក្រុមហ៊ុន ចំរើន សម្បត្តិ បញ្ជាក់ថា ៖ លោកបណ្ឌិត ប៊ូ អាឌុលឡោះ ក៏បានស្វាគមន៍អោយ KC Group រៀបចំដំណើរទស្សនៈកិច្ចពាណិជ្ជកម្ម នៅទីក្រុងឌូបៃ ប្រទេសអារ៉ាប់អេមីរ៉េត ក្នុងពេលវេលាសមស្របណាមួយ។
លោក ឃិត ឈឿន សូមថ្លែងអំណរអគុណនិងសម្តែងនូវសេចក្តីស្រឡាញ់ រាប់អានដ៏ស្មោះ ចំពោះ លោកបណ្ឌិត ប៊ូ អាឌុលឡោះ និង សហការី។
សូមបញ្ជាក់ផងដែរថា លោក ឃិត ឈឿន អគ្គនាយក ក្រុមហ៊ុន ចំរើន សម្បត្តិ និងជាម្ចាស់ផ្សារ KC។ ក្រុមហ៊ុន ចំរើន សម្បត្តិ មានដូចជា សំណង់បុរី ផ្ទះល្វែង វិឡា ខុនដូរ មាននៅប្រទេសថៃនិងនៅកម្ពុជា ផ្ទះលំហែរ ដីពុះឡូតិ៍ ចំការ រីស៊ត និងផ្សាKC។ ព័ត៌មានផ្សេងៗទៀត លោកអ្នកអាចទំនាក់ទំនងតាមរយៈលេខទូរស័ព្ទ ៖ 017335354 /086302343/ដើម្បីទទួលបានដំណឹងលម្អិតបន្ថែមទៀត !៕