{ខេត្តកំពង់ឆ្នាំង}÷ ឯកសណ្ឋាន មន្ត្រីសាលាស្រុកកំពង់ត្រឡាច មើលទៅស្រស់ស្អាត មោះមុត ម៉ត់ចត់ សាកសម ជាមន្ត្រីបម្រើប្រជាពលរដ្ឋពិតប្រាកដ..ជាក់ស្ដែង នាព្រឹកថ្ងៃចន្ទ ១៤ រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែមករា ឆ្នាំ២០២៥ គណៈអភិបាលស្រុក នាយក នាយករងរដ្ឋបាលស្រុក ប្រធាន/អនុប្រធាន និងមន្ត្រីរាជការចំណុះ រដ្ឋបាលស្រុកកំពង់ត្រឡាចបានចូលរួមគោរពទង់ជាតិ នៃព្រះរាជាណាចក្រកម្ពុជា។
សូមបញ្ជាក់ផងដែរថា ស្រុកកំពង់ត្រឡាច ជាស្រុកមួយសំបូរទៅដោយរោងចក្រកាត់ដេរ សំលៀកបំពាក់ ក៏ប៉ុន្តែនៅតាមដងផ្លូវជាតិ មិនមានសំរាមស្បោងផ្លាស្ទិចទៀត។
រដ្ឋបាលស្រុកកំពង់ត្រឡាចបានយកចិត្តទុកដាក់ ដឹកនាំ លោកគ្រូ អ្នកគ្រូ លោក នាយកសាលា សិស្សានុសិស្ស មន្ត្រីសាលាស្រុក មន្ត្រីតាមសាលាឃុំនីមួយៗ ក្នុងមួយសប្តាហ៍ ចុះធ្វើសកម្មភាព រើសសម្រាម ធ្វើអនាម័យតាមដងផ្លូវ ២ ទៅ៣ ដង ចំណាយពេលប្រហែលពីម៉ោងដើម្បីសំអាត តាមដងផ្លូវ។
ជាពិសេសក្រោមការដឹកនាំរបស់លោក វ៉ន ស៊ីផា អភិបាលនៃគណៈអភិបាលស្រុក តែងតែប្រជុំ ដាក់ផែនការ ឲ្យក្រុម ហ៊ុន សហគ្រាស រោងចក្រកាត់ដេរសំលៀកបំពាក់ គ្រុបរោងចក្រទាំងអស់ ឲ្យយកចិត្តទុកដាក់អំពីបញ្ហា បរិស្ថាន អនាម័យ ជុំវិញទីធ្លារោងចក្រ និងតាមដងផ្លូវ មុខរោងចក្រ។
លទ្ធផលស្រុកកំពង់ត្រឡាចខេត្តកំពង់ឆ្នាំង ទទួលបាន បានការសរសើរពី មហាជន ពីឯកឧត្តម រដ្ឋមន្ត្រីក្រសួងបរិស្ថាន ជា ខេត្ត ជាប់លេខ ជាប់ចំណាត់ថ្នាក់លេខមួយ ក្នុងប្រទេសកម្ពុជា។
សូមបញ្ជាក់ផងដែរថា ទីធ្លាសាលាស្រុកកំពង់ត្រឡាចបច្ចុប្បន្ន ប្រែមុខមាត់យ៉ាងស្រស់ស្អាត..មានរបៀបរៀបរយ មានសណ្ដាប់ធ្នាប់ល្អ. មានទីធ្លាល្អ សាកសម ជាកន្លែងធ្វើការបម្រើប្រជាពលរដ្ឋពិតប្រាកដ៕