(កំពង់ឆ្នាំង) ៖ អ្នកសារព័ត៌មានត្រូវគោរពក្រោមសីលធម៌វិជ្ជាជីវៈឲ្យបានខ្ជាប់ខ្ជួន ក៏ប៉ុន្តែរដ្ឋបាលសាលាស្រុក ឬ រដ្ឋបាលសាលាខេត្ត ស្នងការដ្ឋាននគរបាលខេត្ត បញ្ជាការកងរាជអាវុធហត្ថខេត្ត បញ្ជាការ ប្រតិបត្តិការសឹករងខេត្ត មន្ទីរជុំវិញខេត្ត ត្រូវតែមានអ្នកនាំពាក្យ ឲ្យបានច្បាស់លាស់ រាល់..។
ដើម្បីអ្នកសារព័ត៌មាន ស្នើសុំធ្វើបទសម្ភាសន៍ រឿងទាំងឡាយណាដែលពាក់ព័ន្ធ នឹងអង្គភាពសាមីខាងលើនេះ ។
នេះ គឺ ជាការលើកឡើង របស់អ្នកសារព័ត៌មានក្នុងខេត្តកំពង់ឆ្នាំង តាមរយៈ លោកប្រធានមន្ទីរ ថ្នាក់ដឹកនាំមន្ទីរព័ត៌មាន អ្នកសម្របសម្រួលមន្ទីរព័ត៌មានខេត្តកំពង់ឆ្នាំង នូវព្រឹកថ្ងៃព្រហស្បតិ៍ ទី២៦ ខែកុម្ភះ ឆ្នាំ២០២៥ នៅសាលប្រជុំមន្ទីរព័ត៌មានខេត្តកំពង់ឆ្នាំង។
ក្នុងកិច្ចប្រជុំផ្សព្វ
ផ្សាយធម្មនុញ្ញវិជ្ជាជីវៈសារព័ត៌មាន និង បន្តផ្សព្វផ្សាយសមិទ្ធ
ផលរបស់រដ្ឋបាល ក្រោមអធិបតីភាពរបស់ លោក ឈាង វណ្ណៈ ប្រធានស្តីទីមន្ទីរព័ត៌មានខេត្ត ដោយមានការចូលរួមពី លោក ហឹង ចូច អនុប្រធានមន្ទីរ និង ជាប្រធានក្រុមការងារព័ត៌មាន និង សាធារណមតិខេត្ត លោក ឡេង ធារ៉ា ប្រធានការិយាល័យព័ត៌មាន និង សោតទស្សន៍ និង ជាអនុប្រធានក្រុមការងារព័ត៌មាន និង សាធារណមតិខេត្ត និង លោក អ៊ុង ដារ៉ាច័ន្ទ អនុប្រធានការិយាល័យព័ត៌មាន និង សោតទស្សន៍ និង ជាសមាជិកក្រុមការងារព័ត៌មាន និង សាធារណមតិខេត្ត ព្រមទាំងអ្នកសារព័ត៌មានចូលរួមផងដែរ។
នៅក្នុងនោះគឺគោលបំណង៖-ពង្រឹងការអនុវត្តក្រមសីលធម៌វិជ្ជាជីវៈលើវិស័យព័ត៌មាន និង សោតទស្សន៍បន្តផ្សព្វផ្សាយសមិទ្ធផលនានារបស់រដ្ឋបាលខេត្តបញ្ជូនព័ត៌មានពិតដល់ប្រជាពលរដ្ឋ រួមគ្នាប្រឆាំងព័ត៌មានក្លែងក្លាយ និង ឆ្លើយតបអោយបានទាន់ពេលវេលា។
ជាចុងក្រោយ អ្នកសារព័ត៌មាន ក្នុងខេត្តកំពង់ឆ្នាំង បានប្ដេជ្ញានិងផ្សព្វផ្សាយព័ត៌មានពិត លុបបំបាត់ព័ត៌មានក្លែងក្លាយ ហើយ នឹងប្ដេជ្ញា ផ្សព្វផ្សាយព័ត៌មាន នូវសមិទ្ធផលនានាដែល រដ្ឋបាលខេត្តកំពង់ឆ្នាំង ធ្វើបាន… និងស្នាដៃរបស់សមត្ថកិច្ចជំនាញពាក់ព័ន្ធ ដែលគោរពតួនាទីអនុវត្តបានល្អ។ អ្នកសារព័ត៌មាន និងផ្សព្វផ្សាយឲ្យបានទូលំទូលាយ បំផុត។
ក៏ប៉ុន្តែបើរឿងអសកម្មរបស់មន្ត្រីខិលខូច មួយចំនួនតូច មិនគោរពតួនាទីភារកិច្ចរបស់ខ្លួន និងធ្វើឲ្យប៉ះពាល់ដល់សតិអារម្មណ៍ប្រជាពលរដ្ឋ
មិនគោរព បទបញ្ជាផ្ទៃក្នុងរបស់អង្គភាពខ្លួន ជាមន្ត្រីពុករលួយមន្ត្រីខិលខូច មិនគោរពតួនាទីក្នុងនាមជាអាជ្ញាធរ ក្នុងនាមជាសមត្ថកិច្ចបម្រើប្រជាពលរដ្ឋនោះទេ??។
អង្គភាពសារព័ត៌មាននិងស្រាវជ្រាវ ហើយបើទទួលបានព័ត៌មានច្បាស់លាស់ពិតប្រាកដ ក្រុមអ្នកសារព័ត៌មាន ទាំងអស់នោះ និងផ្សព្វផ្សាយ ដើម្បីកែទម្រង់ស៊ីជម្រៅ ចូលរួមជាមួយប្រមុខរាជរដ្ឋាភិបាលកម្ពុជា ដើម្បី អភិវឌ្ឍន៍ប្រទេសជាតិ។
ផ្សព្វផ្សាយដើម្បី រិះគន់ ក្នុងន័យស្ថាបនា..មិនមែនរិះគន់ដើម្បីជាន់បន្លិចដល់មន្ត្រីដែលគេល្អៗ ដែលគេមានស្នាដៃ…ដែលជាមន្ត្រីបម្រើប្រជាពលរដ្ឋពិតប្រាកដនោះឡើយ។
តែសូមបញ្ជាក់អង្គភាពសារព័ត៌មាន (របាយការណ៍ថ្មី )កន្លងមកខំប្រឹងប្រែងសរសេរព័ត៌មានដើម្បីខេត្តកំពង់ឆ្នាំងច្រើនណាស់ ក៏ប៉ុន្តែ អង្គភាពសារព័ត៌មាន(របាយការណ៍ថ្មី)មិនដែលទទួលបានប័ណ្ណសរសើរមួយណាឡើយ៕
អត្ថបទដោយ លោក សុត ប៊ុនធីម ចាងហ្វាងកាផ្សាយគេហទំព័រ(របាយការណ៍ថ្មី)