{ខេត្តកំពង់ឆ្នាំង}÷ នៅព្រឹកថ្ងៃទី៧ ខែមីនា ឆ្នាំ២០២៥ នេះ លោក វន ស៊ីផា អភិបាលស្រុកកំពង់ត្រឡាច ដឹកនាំក្រុមការងារជំនាញពាក់ព័ន្ធចុះត្រួតពិនិត្យ សម្រស់សម្រួលរវាងប្រជាពលរដ្ឋ មួយគ្រួសារឈ្មោះ លោក ស្រី ចាន់ ណា និងអាជ្ញាធរ ឃុំអូឬស្សី ពាក់ព័ន្ធ គម្រោងធ្វើផ្លូវ និងប្រឡាយមេរំដោះទឹកក្នុងទឹកដី ភូមិស្រែប្រិយ៍ នឹងភូមិអូរឫស្សី ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង។
ដោយមានប្រជាពលរដ្ឋ មួយគ្រួសារមានដីមួយប័ណ្ណ ស្នើឲ្យអាជ្ញាធរ ជួយសម្រស់សម្រួលដោះស្រាយបើកផ្លូវ និងប្រឡាយមេទឹក និងបរិច្ចាគដីដើម្បីអាជ្ញាធរធ្វើផ្លូវ និងប្រឡាយមេទឹក។
ប្រជាពលរដ្ឋឈ្មោះ លោក ស្រី ចាន់ ណា គាត់មានដីមួយកន្លែង មិនចង់ឲ្យអាជ្ញាធរធ្វើប្រឡាយកាត់ដីរបស់គាត់ និងផ្លូវកាត់ដីរបស់គាត់ តែលោកស្រី បានបរិច្ចាគដីបន្ថែ ឲ្យធ្វើផ្លូវវាងបន្តិច ក៏ប៉ុន្តែមានប្រឡាយធំ តាមស្តង់ដា។
សូមបញ្ជាក់ផងដែរថា ប្រឡាយ និងទំនប់ ដែលអាជ្ញាធរកំពុងតែចុះសិក្សា នេះគឺ អាចរំដោះទឹកពីម្ដុំផ្សារសាលាលេខ៥ ម្ដុំទីធ្លាសាលាស្រុក ក្នុងទឹកដីភូមិដើមពពែល ឃុំថ្មឥដ្ឋ ឆ្លងកាត់ផ្លូវជាតិលេខ៥ ឆ្លងកាត់ឃុំអូរឫស្សី ឆ្ពោះទៅបឹងមួយក្នុង ទឹកដីភូមិអ្នកតាហាង ឃុំកំពង់ត្រឡាច ស្រុកកំពង់ឡាចខេត្តកំពង់ឆ្នាំង។
ក្នុងករណីនេះបើតាម លោក វណ្ណា មេឃុំ អូឬស្សី លោកថា នឹងប្រឹងប្រែងយកចិត្តទុកដាក់ក្នុងកិច្ចការការងារបម្រើប្រជាពលរដ្ឋក្នុងមូលដ្ឋាន និងប្រឹងប្រែងដើម្បីធ្វើប្រឡាយ និងធ្វើផ្លូវជូនប្រជាពលរដ្ឋ ឲ្យបានច្រើនខ្សែក្នុងមូលដ្ឋានរបស់លោក។
ក្នុងការចុះស្រាវជ្រាវ ខាងលើនេះលោក វន ស៊ីផា អភិបាលនៃគណៈអភិបាលស្រុកកំពុងត្រឡាច បានយកចិត្តទុកដាក់យ៉ាងម៉ត់ចត់ ច្បាស់លាស់ ជាមួយមន្ត្រីជំនាញពាក់ព័ន្ធ ដើម្បីឈានទៅរក បញ្ចប់នៃការសំណូមពរ ពីប្រជាពលរដ្ឋ និងជំនាញពាក់ព័ន្ធដើម្បី អភិវឌ្ឍន៍ស្ដារប្រឡាយនិងធ្វើផ្លូវ មួយខ្សែនេះ ដោយជោគជ័យនៅថ្ងៃអនាគតខាងមុខ៕